Մայիսի 20-ը Մեղուների համաշխարհային օրն է: «Մխիթար Սեբաստացի» կրթահամալիրում մեկնարկում է «Ձոն մեղվին» ուսումնական նախագիծը: Կրթահամալիրի կրտսեր դպրոցներում օրը նշանավորվում է մեղուների մասին տարբեր ուսումնական աշխատանքներով: Կազմակերպվում է ֆլեշմոբային ձևաչափով: Օրվա ընթացքում կրթահամալիրի տարբեր հարթակներում հրապարակվում են մեղվային պզզոց-ընթերցումներ, երգեր, խաղեր, գովքեր, ուսումնասիրություններ, այլ հետաքրքիր նախաձեռնություններ: Աշխատանքները շարունակվում են հաջորդ 1-2 շաբաթվա ընթացքում: Շարունակել կարդալ “«Ձոն մեղվին» նախագծային ֆլեշմոբ”
Category: Մշակումներ
Ընտրությամբ գործունեության «Մաթեմատիկա բանավոր» դասընթացը 1-3-րդ դասարաններում
«Մխիթար Սեբաստացի» կրթահամալիրը՝ որպես հեղինակային (պետական այլընտրանքային) կրթական ծրագրի ստեղծող ու իրագործող, կրտսեր դպրոցի 1-3-րդ դասարաններում իրականացնում է «Իմացումի հրճվանք» կրթական ծրագիրը, որն ինտեգրված, նախագծային ուսուցում է։ «Իմացումի հրճվանք» ծրագիրը (այսուհետ՝ Ծրագիր) կրթահամալիրում իրականացվող «Ստեղծողի մոբիլ դպրոց» պետական հեղինակային (այլընտրանքային կրթական) ծրագիրն է: Ծրագրի հիմքում ընկած են Հանրակրթության պետական չափորոշիչները, կրթահամալիրի կանոնադրությունը, զարգացման ծրագիրը, հեղինակային կրթական ծրագրի հիմնադրույթները, որպես կազմակերպիչ՝ ուսումնական օրացույցը: Ի թիվս այլ նպատակների, ծրագրի հիմնական նպատակներից է նաև սովորողի նախասիրությունների բացահայտումն ու դրանց զարգացումը: Սովորողի անհատական ուսումնական պլանի բաղադրիչում ներառված է ընտրությամբ գործունեությունը: Սովորողն իր ընտրությամբ շաբաթական 2 դասաժամ մասնակցում է «Երաժշտական գործունեություն», «Կերպարվեստ», «Մարմնամարզություն», «Մաթեմատիկա բանավոր» դասընթացներից մեկին: Շարունակել կարդալ “Ընտրությամբ գործունեության «Մաթեմատիկա բանավոր» դասընթացը 1-3-րդ դասարաններում”
«Մուտք» ճամբարի կազմակերպման ուղեցույց
«Մխիթար Սեբաստացի» կրթահամալիրում 6 տարեկանների ընդունելությունն առաջին դասարան իրականացվում է մուտքի ճամբարով՝ ըստ սահմանված կարգի: Մուտքի ճամբարները ուսումնական բաց հարթակներ են, որոնք ճամբարականին և նրա ծնողին (օրինական ներկայացուցիչ) հնարավորություն են տալիս ծանոթանալու հեղինակային կրթական ծրագրին, միջավայրին, ուսուցման կազմակերպման առանձնահատկություններին: Կրթահամալիրում սովորել ցանկացողին սկսում ենք ճանաչել հենց գործունեության մեջ, կրթահամալիրում սովորել ցանկացողն էլ կրթահամալիրը ճանաչում է գործունեության ընթացքում։ Մուտքի ճամբարին մասնակցելը ընդունվել ցանկացողի համար պարտադիր է: Շարունակել կարդալ “«Մուտք» ճամբարի կազմակերպման ուղեցույց”
«Կարդում ու նվիրում եմ» ընթերցանության ֆլեշմոբ
Փետրվարի 19-ը նշանավոր է Թումանյանի ծննդյան տոնով: «Մխիթար Սեբաստացի» կրթահամալիրում այդ օրը նշանավորվել է թումանյանական ընթերցումների, ընտանեկան ու դասարանական ներկայացումների, քաղաքային թափառումների, այլ հետաքրքիր ֆլեշմոբներով: Կրթահամալիրի ուսումնական օրացույցով փետրվար-մարտ ամիսներին նախատեսված են ընթերցողական տարբեր նախագծեր: «Կարդում ենք Թումանյան» նախագծի շրջանակում սովորղները ոչ միայն փետրվար-մարտին, այլև ողջ ուսումնական տարվա ընթացքում կարդում են Թումանյանի ստեղծագործությունները, յուրացնում ու փոխանցում են խաղով, ստեղծագործում են: Փետրվարի 19-ը հայտնի է նաև որպես գիրք նվիրելու օր: Շարունակել կարդալ “«Կարդում ու նվիրում եմ» ընթերցանության ֆլեշմոբ”
«Կարդում ենք Աղայան» ուսումնական նախագիծ
2023-2024 ուստարվա լրամշակումը՝ Լուսինե Պետրոսյանի
Նախագծի նկարագրություն
«Կարդում ենք Աղայան» նախագիծն ուսումնական օրացույցով հաստատված նախագիծ է, որն իրականացվում է ամեն տարվա մարտ-ապրիլ ամիսներին։ Ուսումնական օրացույցը Կրթահամալիրի հեղինակային կրթական ծրագրի առանձնահատկություններից մեկն է, օրացույցը մտավ մեր սեբաստացիական կյանք ու դարձավ կիրառելի, կազմակերպող: Օրացույցն ամեն ամսվա, շաբաթվա սկզբում թերթվող, ուսումնական առօրյան կանոնակարգող ու ամեն անգամ բովանդակային, դրանից բխող` կազմակերպական շեշտադրում հաղորդող ուղեցույց է: Օրացույցն ու հեղինակային կրթական նախագծերն ուսուցման կարգավորիչներն են։ Այս նախագծի ընթացքում սովորողների մոտ կզարգանա երևակայելու, ստեղծագործելու, բառապաշարը հարստացնելու, բանավոր խոսքը զարգացնելու կարողություններ: Սովորողները տարբեր ուսումնասիրություններ կանցկացնեեն ընտանիքներում, կրթահամալիրում, հարցազրույցներ կվարեն, ռադիոնյութեր, տեսանյութեր կպատրաստեն:
Նախագծի մասնակիցներ Շարունակել կարդալ “«Կարդում ենք Աղայան» ուսումնական նախագիծ”
Ռոդարիական ստեղծագործական երևակայության նախագիծ
2023-2024 ուստարվա լրամշակումը՝ Արմինե Գյոնջյանի
Նկարագրություն
Ջաննի Ռոդարին համարվում է 20-րդ դարի լավագույն մանկագիրներից մեկը: Նա հայտնի է հատկապես «Չիպոլինոյի արկածները» (1957 թ.) և «Ջելսոմինոն խաբեբաների աշխարհում» (1959 թ.) վիպակներով, սակայն նրա ստեղծագործական կյանքը առավել բազմազան է: Քչերին է հայտնի, որ Ռոդարին ունի նաև բանաստեղծությունների ժողովածուներ: 1951 թվականին, երբ նա դարձավ Հռոմի մանկական շաբաթաթերթի գլխավոր խմբագիրը, միաժամանակ սկսեց գրել իր առաջին՝ մանկական բանաստեղծությունների ժողովածուն՝ «Il libro delle filastrocche», որը լույս տեսավ նույն թվականին: / Վիքիպեդիա/ Շարունակել կարդալ “Ռոդարիական ստեղծագործական երևակայության նախագիծ”
«Կարդում ենք Խնկոյան» ուսումնական նախագիծ
- 2013 թվականի մշակում
- 2018 թվական. ստեղծագործությունների ցանկ
- «Պարտեզ» ամսագրից ստեղծագործությունների ցանկ
- 2023-2024 ուստարվա մշակումը՝ Լուսինե Բարխուդարյանի
«Կարդում ենք Թումանյան» նախագիծ
- 2016-2017 ուստարվա նախագծային մշակումներ
- 2019-2020 ուստարվա նախագծային մշակւմներ
- 2020-2021 ուստարվա նախագծային մշակումներ
- 2022-2023 ուստարի, լրամշակումը՝ Լիլիթ Սահակյանի
- 2023-2024 ուստարի, լրամշակումը՝ Գոհար Սմբատյանի
Մասնակիցներ՝ սովորողներ, դասավանդողներ, ընտանեկան դպրոցներ, ծնողական համայնք, այլք
Ժամանակահատվածը՝ փետրվար
Իրականացման վայրեր՝ կրթահամալիր, ընտանեկան դպրոցներ, բաց հարթակներ, այլուր
Նկարագրություն՝
«Թումանյանական օրեր» ստուգատեսը Հովհաննես Թումանյանի մասին, նրա ստեղծագործությունները վեր հանող, ուսումնասիրող, ուսումնական օրացույցով հաստատված նախագիծ է, որն իրականացվում է ամեն տարվա փետրվար ամսին։
Սովորողները ծանոթանում են մանկավարժ, բանաստեղծ, հեքիաթագիր Հովհաննես Թումանյան գործչին, գործունեությանը, ստեղծագործություններին: Տարբեր ուսումնասիրություններ են անցկացնում ընտանիքներում, կրթահամալիրում, հարցազրույցներ են վարում, ռադիոնյութեր, տեսանյութեր պատրաստում, ներկայացնում գրողի մասին ունեցած իրենց պատկերացումները: Ծնողները, մասնագետ դասավանդողները, ավագ սեբաստացիները վարպետության դասեր են անցկացնում՝ կրտսեր դպրոցականներին փոխանցելով իրենց մասնագիտական հմտությունները: Ծնող ու սովորող կազմակերպում, մասնակցում են համերգների, ցուցահանդես-ցուցադրությունների, ներկայացումների, տիկնիկային բեմադրությունների, որտեղ ներկայացնում են իրենց աշխատանքները, ունեցած ձեռքբերումները:
Սովորողները, դասավանդողները, ծնողական համայնքը մասնակցում են տարբեր հանդիպում-քննարկումների, կլոր սեղանների, քայլարշավների, թումանյանական ճամփորդությունների։
Նախագծի արդյունքում ստեղծված ուսումնական նյութերը հրապարակվում են դասարանական, անհատական բլոգներում, ենթակայքում, կայքում։
Կրթահամալիրն տոնն ունի օրացույց՝ ըստ տվյալ տարվա կազմակերպման ձևի և բովանդակության։
Նախագծի ընդհանուր կազմակերպական ձևեր և բաղադրիչներ՝
- Տոնական առավոտյան ընդհանուր պարապմունքներ կրթահամալիրի դպրոցներում՝ թումանյանական տեքստերի երգերով, բերանացի ընթերցանությամբ, պարերգերով։
- Նախագծային ուսուցման պարապմունքներ կրթահամալիրի դպրոցներում, Քոլեջում, ուսումնական կենտրոններում, արվեստանոցներում, լաբորատորիաներում։
- Երկարացված օրվա ճամբարի ջոկատների գործունեություն կրթահամալիրի դպրոց-պարտեզներում, Միջին, Ավագ դպրոցներում։
- Ստեղծագործական խմբերի, ակումբների պարապմունքներ ուսումնական կենտրոններում, արվեստանոցներում։
- Միասնական համերգների, ցուցահանդեսների, ներկայացումների, տիկնիկային, ստվերային թատրոնների կազմակերպում։
- Ուսումնական ժամերգություն։
- Թումանյանական արշավների, ճամփորդությունների կազմակերպում թատրոններ, թանգարաններ, ալուր։
- Կլոր սեղանների, բաց հարթակների, հանդիպում-քննարկումների կազմակերպում։
- Այլ։
Նախագծի նպատակները՝
- Թումանյանական ստեղծագործությունների ուսուցում։
- Բանավոր, գրավոր խոսքի զարգացում:
- Սստեղծագործական երևակայության զարգացում։
- Ինքնուրույնության, ինքնարտահայտման հմտություննների և կարողությունների ձևավորում, զարգացում։
- Երաժշտական հմտությունների ու կարողությունների զարգացում։
- Տեխնոլոգիական հմտությունների զարգացում։
- Մեդիահմտությունների զարգացում:
- Շրջակա միջավայրի ճանաչողություն։
- Ուսումնական նյութերի ստեղծում։
Նախագծի խնդիրները՝
- Ընթերցանության, զրույցների, պատումների միջոցով իմացություն Հովհաննես Թումանյանի մասին։
- Լեզվագործունեությամբ՝ բանավոր և գրավոր խոսքի զարգացում։
- Տեխնոլոգիական հմտությունների կիրառությամբ՝ տարբեր աշխատանքների ստեղծում (զարդեր, տիկնիկներ, տեխնոլոգիական այլ աշխատանքներ և այլն)։
- Մեդիահմտությունների կիրառմամբ՝ մեդիանյութերի ստեղծում։
- Երգուսուցմամբ՝ ազգային երգերի, պարերգերի ճանաչողություն։
- Մարզական խաղերի միջոցով՝ մարզական կարողությունների ցուցադրություն։
- Սովորող-սովորեցնող նախագծով՝ թումանյանական ստեղծագործությունների ուսուցում։
- Համագործակցային հանդիպումներով՝ սեբաստացի դպրոցի ցանցի տարածում, կապերի ընդլայնում։
Բովանդակային ուղղություններ
- սեբաստացիական հարթակներ
- գեղարվեստը կրթահամալիրում
- ռադիոթողարկումներ, TV-թողարկումներ
- ռադիոթատրոններ, ընտանեկան թատրոններ
- ստվերային, տիկնիկային ներկայացումներ, դերախաղեր
- հարցազրույցներ
- պատումներ, զրույցներ
- ընթերցանություն
- ճամփորդություններ
- այլ
Ակնկալվող արդյունքներ՝
- տեսադասեր, ուսումնական նյութեր, փաթեթներ
- TV, ռադիոթողարկումներ
- ցուցահանդեսներ
- համերգներ
- ներկայացումներ, բեմադրություններ
- համագործակցային նախագծեր
- հոդվածներ
Ուսումնական նյութեր
Սովորողի գնահատում. զարգացման բնութագիր
«Իմացումի հրճվանք» կրթական ծրագրի սովորողի գնահատումը ուսումնական պլանում:
Սովորողի ուսումնական աշխատանքը գնահատվում է սահմանված կարգով՝ առանց գնահատանիշի: Հաշվի են առնվում սովորողի անհատապես և խմբով կատարած աշխատանքները, այդ թվում` սովորողի մասնակցությամբ ստեղծված և համացանցում տեղադրված նյութերը. գործունեության յուրաքանչյուր բնագավառից աշխատանքները ներկայացվում են նրա անհատական կամ դասարանի բլոգում (էջում): Սովորողի ստեղծած այլ տեսակի արդյունքները ներկայացվում են ցուցադրության, ներկայացման, համերգի, ցուցահանդեսի միջոցով, ստուգատեսներում, ստեղծագործական հավաքներում: Յուրաքանչյուր սովորողի համար, սահմանված կարգով լրացվում է զարգացման բնութագիր, որում ներկայացվում են սովորողի արժեքային համակարգը, նրա կողմից յուրացված գիտելիքների, կարողությունների, հմտությունների որակական բնութագիրը: Սովորողի ծնողը սահմանված կարգով մասնակցում է իր երեխայի բնութագրի, բլոգի վարման աշխատանքներին։ Երրորդ դասարանի վերջում կազմակերպվում է «Իմացումի հրճվանք» ծրագիրն ավարտող սովորողի ուսումնական կարողությունների ներկայացման ստուգատես։ Սովորողի ստեղծած այլ տեսակի արդյունքները սահմանված կարգով ներկայացվում են ցուցադրություններում, ցուցահանդեսներում, համերգներում, ստեղծագործական հավաքներում։ (ուսպլան, կետ 22)
Սովորողի զարգացման բնութագիր
1-3-րդ դասարանի սովորողի զարգացման բնութագիրը լրացվում է յուրաքանչյուր ուսումնական շրջանի վերջում: Այն լրացնում է դասվարը: Երաժշտության, շախմատի բաղադրիչները լրացնում է համապատասխան մասնագետների խորհրդատվությամբ: Օտար լեզուների բաղադրիչները լրացնում են համապատասխան մասնագետները, որոնք դասավանդում են տվյալ դասարանում: Դասվարը հետևում է, անհրաժեշտության դեպքում հարցադրումներ է անում:
1-3-րդ դասարանի սովորողի զարգացման բնութագիրը ներկայացված է մեկ ֆայլով: Ֆայլի յուրաքանչյուր թերթիկում (շիթ) ներկայացված են 1-ին, 2-րդ, 3-րդ դասարաններն ըստ համապատասխան ուսումնական շրջանների:
1-3-րդ դասարանի սովորողի զարգացման բնութագիրը կրտսեր դպրոցների գրասենյակների ղեկավարները տեղադրում են OneDrive հավելվածի համապատասխան թղթապանակներում: Մուտքի ու աշխատելու հասանելիություն է տրվում դասվարներին, դասավանդող ուսուցիչներին, ծրագրի ղեկավարներին:
Լրացնելուց հետո դասվարը տվյալ սովորողի զարգացման բնութագիրը էլփոստով ուղարկում է սովորողի ծնողին: Ծնողը ծանոթանում է զարգացման բնութագրին և ներկայացնում է իր դիտարկումները, լրացումները: Դրանք ներառվում են զարգացման բնութագրում: Անհրաժեշտության դեպքում կազմակերպվում է քննարկում:
2023-2024 ուստարվա առաջին ուսումնական շրջանի զարգացման բնութագրերի լրացումը սկսվում է դեկտեմբերի 19-ին, ավարտվւմ է դեկտեմբերի 28-ին: Դեկտեմբերի 29-ին սովորողի ծնողը տվյալ ֆայլին ստանում է ծանոթանալու հնարավորություն:
Երկրորդ ուսումնական շրջանը լրացնում են ուսումնական ճամբարի ավարտից հետո, հունվարի 29-ից մինչև փետրվարի 2-ը:
1-3-րդ դասարանի զարգացման բնութագիր
Փաստաթղթեր՝
Ձմեռային ուսումնական ստուգատեսային-նախագծային ճամբարը «Իմացումի հրճվանք» ծրագրում
2023 թվականի հունվարի 8-26-ը կրթահամալիրում մեկնարկում է երկրորդ ուսումնական շրջանը, որը կազմակերպվում է որպես ուսումնական ստուգատեսային-նախագծային ճամբար:
- Մանկավարժության լաբորատորիայի ուղեցույցը
- Ձմեռային ուսումնական ստուգատեսային-նախագծային ճամբար 2024․ ուսումնական երկրորդ շրջանի ուղեցույց
- Ճամբարների, ստուգատեսների ամփոփումներ․ ներկայացվող պահանջներ
Կրտսեր դպրոցի ճամբարի բովանդակությանը ներկայացվող պահանջներ՝
- Ճամբարային ջոկատն ունենում է անվանում, նշանաբան, լոգո:
- Ճամբարային ջոկատում օրերն ունենում են խորագրեր. յուրաքանչյուր օր ունենում է անվանում՝ ելնելով իրականացվող նախագծից, օրնակ՝ բարև, ճամբար (առաջին օրվա խորագիրը կարող է դառնալ), թխուկ օր, թարս օր, ձյունագլոր օր, այլ….:
- Ճամբարային ջոկատը մշակում է աշխատանքային կանոններ:
- Ճամբարային ջոկատները մասնակցում են սովորող-սովորեցնող, միջդպրոցական, ստուգատեսային, այլ համագործակցային նախագծերին:
- Ճամբարային ջոկատներն իրականացնում են ընթերցողական, ճամփորդական, ուսումնական, ստուգատեսային այլ նախագծեր:
- Ճամբարային ջոկատներն օրն ամփոփում են օրապատումի, ռադիո կամ թիվի լուսաբանումներով:
«Իմացումի հրճվանք» կրթական ծրագրի դասվարների մասնախումբ 