Մայիսի 20-ը Մեղուների համաշխարհային օրն է: «Մխիթար Սեբաստացի» կրթահամալիրում մեկնարկում է «Ձոն մեղվին» ուսումնական նախագիծը: Կրթահամալիրի կրտսեր դպրոցներում օրը նշանավորվում է մեղուների մասին տարբեր ուսումնական աշխատանքներով: Կազմակերպվում է ֆլեշմոբային ձևաչափով: Օրվա ընթացքում կրթահամալիրի տարբեր հարթակներում հրապարակվում են մեղվային պզզոց-ընթերցումներ, երգեր, խաղեր, գովքեր, ուսումնասիրություններ, այլ հետաքրքիր նախաձեռնություններ: Աշխատանքները շարունակվում են հաջորդ 1-2 շաբաթվա ընթացքում: Շարունակել կարդալ “«Ձոն մեղվին» նախագծային ֆլեշմոբ”
Author: Անահիտ Հարությունյան
Ընտրությամբ գործունեության «Մաթեմատիկա բանավոր» դասընթացը 1-3-րդ դասարաններում
«Մխիթար Սեբաստացի» կրթահամալիրը՝ որպես հեղինակային (պետական այլընտրանքային) կրթական ծրագրի ստեղծող ու իրագործող, կրտսեր դպրոցի 1-3-րդ դասարաններում իրականացնում է «Իմացումի հրճվանք» կրթական ծրագիրը, որն ինտեգրված, նախագծային ուսուցում է։ «Իմացումի հրճվանք» ծրագիրը (այսուհետ՝ Ծրագիր) կրթահամալիրում իրականացվող «Ստեղծողի մոբիլ դպրոց» պետական հեղինակային (այլընտրանքային կրթական) ծրագիրն է: Ծրագրի հիմքում ընկած են Հանրակրթության պետական չափորոշիչները, կրթահամալիրի կանոնադրությունը, զարգացման ծրագիրը, հեղինակային կրթական ծրագրի հիմնադրույթները, որպես կազմակերպիչ՝ ուսումնական օրացույցը: Ի թիվս այլ նպատակների, ծրագրի հիմնական նպատակներից է նաև սովորողի նախասիրությունների բացահայտումն ու դրանց զարգացումը: Սովորողի անհատական ուսումնական պլանի բաղադրիչում ներառված է ընտրությամբ գործունեությունը: Սովորողն իր ընտրությամբ շաբաթական 2 դասաժամ մասնակցում է «Երաժշտական գործունեություն», «Կերպարվեստ», «Մարմնամարզություն», «Մաթեմատիկա բանավոր» դասընթացներից մեկին: Շարունակել կարդալ “Ընտրությամբ գործունեության «Մաթեմատիկա բանավոր» դասընթացը 1-3-րդ դասարաններում”
Կլոր սեղան: «Ես կարողանում եմ» ստուգատես
- «Մխիթար Սեբաստացի» կրթահամալիր
- Մայիսյան 19-րդ հավաք
- «Իմացում հրճվանք» կրթական ծրագրի մասնախումբ
- Թեմա՝ «Ես կարողանում եմ» ստուգատես
- Օրը՝ մայիսի 17
- Սկիզբը՝ 14:30
- Վայրը՝ Հետազոտական վարժարանի 3-1 սենյակ
- Մասնակիցները՝ 1-3-րդ դասարանի դասվարներ, սովորողներ, ծնողներ, կրտսեր դպրոցի ղեկավարներ, հյուրեր
Բովանդակությունը՝
- «Ես կարողանում եմ» ստուգատեսը 3-րդ դասարանում
- Ընթերցողական կարողությունների ստուգատես. Լուսինե Գասպարյան
- Ստեղծագործական երևակայության ստուգատես. Մարինե Մարտիրոսյան
- Մեդիահմտությունների ստուգատես. բլոգավարություն. Արմինե Գյոնջյան
- Մարզական գործունեության ստուգատես. Մարիամ Մանասյան
- Սովորողների ինքնագնահատումներ. Մարգարիտա Հովնանյան
- Թատերական-երաժշտական գործունեություն. Անուշ Աթայան
Սահիկաշարը՝ Ես կարողանում եմ 3.pptx
- Լուսաբանումը՝ դասվարների բլոգներում:
Դասվարների մասնագիտական զարգացման սեմինարների 3-րդ փուլի ամփոփում
2024 թվականի մարտ-ապրիլ ամիսներին դասվարները մասնակցել են մասնագիտական զարգացման սեմինարների հետևյալ բաղադրիչներով՝
- Մաթեմատիկա Գևորգ Հակոբյանի հետ
- Մայրենի խոսքի մշակույթ Մարիետ Սիմոնյանի հետ
- Քանդակի պարապմունք Ալիս Գևորգյանի հետ
- Մարմնամարզություն Արման Մատինյանի հետ
Դասվարների սեմինարներն ամփոփել են իրենց բլոգներում:
Ստեղծագործական երևակայության սստուգատես
«Մխիթար Սեբաստացի» կրթահամալիրում իրականացվող «Իմացումի հրճվանք» կրթական ծրագրի հիմքում ստեղծականությունն է, ստեղծագործական միտքն ու մտածողությունը:
20-րդ դարի իտալացի մանկագիր Ջաննի Ռոդարիի «Ստեղծագործական երևակայության քերականություն» ձեռնարկը ստեղծագործական հնարների մի ողջ զինանոց է:
Լողի ստուգատեսի կազմակերպման ուղեցույց
Ֆիզկուլտուրան կազմակերպվում է ամենօրյա պարապմունքներով, որոնք ներառում են մարմնամարզական վարժություններ, շարժուն խաղեր, հեծանիվ: Առաջին դասարանցիները շաբաթական մեկ անգամ լողում են կրթահամալիրի փակ լողավազանում: Ծրագրի մաս են նաև քայլարշավները, բարձունք արշավելը, որոնց ընթացքում սովորողները ծանոթանում են անվտանգ գործունեության տարրերին: Ուսումնական պլան, կետ 29
Լողը լողալու հիմնական հմտություններ զարգացնելուց, մարմինը կոփելուց, հոգնածությունն ու լարվածությունը թոթափելուց զատ, սովորողներին օգնում է ձեռք բերել մի շարք կարևոր հմտություններ: Լողին նախապատրաստվելը դիտարկվում է որպես ինքնուրույնության ու ինքնասպասարկման կարևոր հմտությունների ձեռք բերման հարթակ, որտեղ սովորողները սովորում են զգեստափոխվել, դասավորել իրենց հագուստն ու իրերը համապատասխան արկղիկներում, պահպանել անձնական հիգիենայի կանոնները: Շարունակել կարդալ “Լողի ստուգատեսի կազմակերպման ուղեցույց”
Մասնախմբի հավաք: Մայիսի 3
«Իմացումի հրճվանք» դասվարների մասնախումբը մայիսյան հավաքի շրջանակում բաց հարթակում ներկայացնելւ է «Ես կարողանում եմ» ստուգատեսի կազմակերպումը, արդյունքները 1-3-րդ դասարաններում:
Օրը՝ մայիսի 3
Սկիզբը՝ 14:30
Վայրը՝ Հետազոտական վարժարան, 3-2 սենյակ
Մասնակիցները՝ 1-3-րդ դասարանների դասվարներ
Ծրագրում
- «Ես կարողանում եմ» ստուգատեսը 1-3-րդ դասարաններում
- Նախապատրաստություն մայիսի 17-ի կլոր սեղանին
«Ես կարողանում եմ» ստուգատեսը «Իմացումի հրճվանք» ծրագրում
2023-2024 ուստարում «Ես կարողանում եմ» ստուգատեսը կազմակերպվում է «Մխիթար Սեբաստացի» կրթահամալիրի 1-3-րդ դասարաններում:
Սովորողի ուսումնական աշխատանքը գնահատվում է սահմանված կարգով՝ առանց գնահատանիշի: Հաշվի են առնվում սովորողի անհատապես և խմբով կատարած աշխատանքները, այդ թվում` սովորողի մասնակցությամբ ստեղծված և համացանցում տեղադրված նյութերը. գործունեության յուրաքանչյուր բնագավառից աշխատանքները ներկայացվում են նրա անհատական կամ դասարանի բլոգում (էջում): Սովորողի ստեղծած այլ տեսակի արդյունքները ներկայացվում են ցուցադրության, ներկայացման, համերգի, ցուցահանդեսի միջոցով, ստուգատեսներում, ստեղծագործական հավաքներում: Յուրաքանչյուր սովորողի համար, սահմանված կարգով լրացվում է զարգացման բնութագիր, որում ներկայացվում են սովորողի արժեքային համակարգը, նրա կողմից յուրացված գիտելիքների, կարողությունների, հմտությունների որակական բնութագիրը: Սովորողի ծնողը սահմանված կարգով մասնակցում է իր երեխայի բնութագրի, բլոգի վարման աշխատանքներին։ Երրորդ դասարանի վերջում կազմակերպվում է «Իմացումի հրճվանք» ծրագիրն ավարտող սովորողի ուսումնական կարողությունների ներկայացման ստուգատես։ Սովորողի ստեղծած այլ տեսակի արդյունքները սահմանված կարգով ներկայացվում են ցուցադրություններում, ցուցահանդեսներում, համերգներում, ստեղծագործական հավաքներում։ Ուսումնական պլան, կետ 22
- Ժամանակահատվածը՝ մայիս 6-24
- Մասնակիցները՝ 1-3-րդ դասարանցիներ
Շարունակել կարդալ “«Ես կարողանում եմ» ստուգատեսը «Իմացումի հրճվանք» ծրագրում”
Ջաննի Ռոդարի
Հեքիաթներ և պատմվածքներ
Աղբյուրը՝ Պարտեզ ամսագիր Շարունակել կարդալ “Ջաննի Ռոդարի”
Դասվարների մասնագիտական զարգացման սեմինարներ
«Մխիթար Սեբաստացի» կրթահամալիրը մշակում և իրականացում է հեղինակային կրթական ծրագրեր: Ի թիվս այլ մշակումների, լրամշակումների, նախագծերի, մշակվում, իրագործվում և ամփոփվում են մանկավարժական աշխատողների մասնագիտական զարգացման սեմինար-պարապմունքները:
«Իմացումի հրճվանք» մասնախմբում ընդգրկված դասվարները, որոնք դասավանդում են կրթահամալիրի 1-3-րդ դասարաններում, մասնակցում են դասվարների մասնագիտական զարգացման շուրջտարյա սեմինարների: Այդ սեմինարները նպատակ ունեն զարգացնելու դասվարների մասնագիտական հմտությունները ուսումնական տարբեր բնագավառներում: Դրանք կազմակերպվում են կրթահամալիրի ուսումնական կենտրոններում, լաբորատորիաներում: Կենդանի գործունեության ընթացքում ձեռք բերված գիտելիքները,, հմտություններն ու կարողությունները դասվարները կարողանում են տեղափոխել դասարան ու փոխանցել իրենց սովորողներին: Այդ սեմինար-պարապմունքները վարում են կրթահամալիրի առաջատար ուսուցիչները:
2023-2024 ուստարվա ընթացքում դասվարները մասնակցել են մայրենի խոսքի մշակույթի, մաթեմատիկայի, մարմնամարզության, քանդակի երկամսյա սեմինար-պարապմունքների: Սեմինար-պարապմունքների ծրագրերը հրապարակվել են դրանք վարող մասնագետ-ուսուցիչների բլոգներում: Բացի երկամսյա սեմինար-պարապմունքներից, դասվարները մասնակցել են կարճաժամկետ սեմինար-պարապմունքների: Առաջին բուժօգնության, մոնտաժային ծրագրերի ուսուցման սեմինար-պարապմունքների ընթացքում դասվարները ստանում են մասնագիտական խորհրդատվություն, տեղի է ունենում փորձի փոխանակում:
2023-2024 ուստարում դասվարների երկամսյա մասնագիտական զարգացման սեմինարների ցանկը.
- Մաթեմատիկա Գևորգ Հակոբյանի հետ
- Մայրենի խոսքի մշակույթ Մարիետ Սիմոնյանի հետ
- Քանդակի պարապմունք Ալիս Գևորգյանի հետ
- Մարմնամարզություն Արման Մատինյանի հետ
2023-2024 ուստարում դասվարների կարճաժամկետ սեմինար-պարապմունքների ցանկը.
- Առաջին բուժօգնության սեմինար-պարպմունքներ Հովսեփ Աղաբեկյանի հետ
- Մոնտաժային ծրագրերի ուսուցում Նվարդ Սարգսյանի հետ
Կազմակերպումը
Դասվարների մասնագիտական զարգացման սեմինարները կազմակերպվում են փուլերով: Յուրաքանչյուր փուլը տևում է երկու ամիս: Երկու ամսվա ընթացքում դասվարները մասնակցում են թվով 6 սեմինար-պարապմունքի: Տվյալ փուլի ավարտից հետո խմբերը փոխվում են: Ե՛վ դասվարները, և՛ մասնագետները ամփոփում են տվյալ փուլի արդյունքները, գնահատում են դրանց արդյունավետությունը:
- Դասվարների մասնագիտական զարգացման սեմինարների առաջին փուլի ամփոփում
- Դասվարների մասնագիտական զարգացման սեմինարների երկրորդ փուլի ամփոփում
- Դասվարների մասնագիտական զարգացման սեմինարների երրորդ փուլի ամփոփում
Բացի սեմինար-պարապմունքներից կազմակերպվում են նաև ստուգատեսներ, արդյունքների հրապարակում, ցուցադրություններ: Ուսումնական երկրորդ և չորրորդ շրջաններում կազմակերպվել են դասվարների մարզական ստուգատեսներ:
Բացի մասնագիտական զարգացման սեմինարներից, դասվարները մասնակցում են «Իմացումի հրճվանք» կրթական ծրագրի շրջանակում կազմակերպվող քննարկումներին, ներգրավվում են ծրագրի բաղկացուցիչների, նախագծերի մշակման ու լրամշակման աշխատանքներում: Աշնանային, ձմեռային, գարնանային ուսումնական արձակուրդի շրջաններում դասվարների համար կազմակերպվում են մասնագիտական խորհրդատվության սեմինարներ, հանդիպումներ:
Ողջ ուսումնական տարվա կազմակերպվել են սեմինար-հանդիպումներ, մշակվել են հետևյալ փաթեթները, ուղեցույցները՝
- Առաջին դասարանում թվային գործիքների կիրառման մասին
- Երկրորդ դասարանում թվային գործիքների կիրառման մասին
- Երրորդ դասարանում թվային գործիքների կիրառման մասին
- Բլոգավարությունն ու ուսումնական հասցեն առաջին դասարանում
- Բլոգավարությունն ու ուսումնական հասցեն երկրորդ դասարանում
- Բլոգավարությունն ու ուսումնական հասցեն երրորդ դասարանում
- Ուսուցչի օրագրեր
- Ուսումնական ճամփորդություններ
- Ուսումնական նախագծերի լրամշակումներ
- Սովորողի զարգացման բնութագրեր
- 1-3-րդ դասարանների ուսպլանի քննարկումներ
«Իմացումի հրճվանք» մասնախումբը այս ուստարվա ընթացքում մշակել ու հրապարակել է կրթական ծրագրի այս բաղադրիչները՝
- «Իմացումի հրճվանք» դասվարների մասնախմբի աշխատակարգ
- Կրթական շքերթ 2023
- Ուսումնական օրացույց 2023-2024
- «Մուտք» ճամբարի կազմակերպման ուղեցույց
- Դասվարների մասնագիտական զարգացման սեմինարներ
- «Կարդում ու նվիրում եմ» ընթերցանության ֆլեշմոբ
- Դդմատոն կամ Ղափամայի ծիսական շաբաթ
- Ձմեռային ստուգատեսային-նախագծային ճամբար
- Ռադիո և TV ուսումնական նախագծերը «Իմացումի հրճվանք» կրթական ծրագրում
- «Ես կարողանում եմ» ստուգատեսը 1-3-րդ դասարաններում
Այս ուսումնական տարվա դասվարների մասնագիտական զարգացման սեմինարների մասին պատմում է կցված տեսաֆիլմը:
Մասնագիտական զարգացման սեմինարները շարունակական են: Իրականացվող գնահատումը, վերլուծությունները, խնդիրների արձանագրումը հնարավորություն կտան բարելավել դրանց արդյունավետությունը:
Տեսաֆիլմը՝ Ֆբ հարթակում: