«Իմացումի հրճվանք» դասվարների մասնախումբը մայիսյան հավաքի շրջանակում բաց հարթակում ներկայացնելւ է «Ես կարողանում եմ» ստուգատեսի կազմակերպումը, արդյունքները 1-3-րդ դասարաններում:
«Մխիթար Սեբաստացի» կրթահամալիրը մշակում և իրականացում է հեղինակային կրթական ծրագրեր: Ի թիվս այլ մշակումների, լրամշակումների, նախագծերի, մշակվում, իրագործվում և ամփոփվում են մանկավարժական աշխատողների մասնագիտական զարգացման սեմինար-պարապմունքները:
«Իմացումի հրճվանք» մասնախմբում ընդգրկված դասվարները, որոնք դասավանդում են կրթահամալիրի 1-3-րդ դասարաններում, մասնակցում են դասվարների մասնագիտական զարգացման շուրջտարյա սեմինարների: Այդ սեմինարները նպատակ ունեն զարգացնելու դասվարների մասնագիտական հմտությունները ուսումնական տարբեր բնագավառներում: Դրանք կազմակերպվում են կրթահամալիրի ուսումնական կենտրոններում, լաբորատորիաներում: Կենդանի գործունեության ընթացքում ձեռք բերված գիտելիքները,, հմտություններն ու կարողությունները դասվարները կարողանում են տեղափոխել դասարան ու փոխանցել իրենց սովորողներին: Այդ սեմինար-պարապմունքները վարում են կրթահամալիրի առաջատար ուսուցիչները:
2023-2024 ուստարվա ընթացքում դասվարները մասնակցել են մայրենի խոսքի մշակույթի, մաթեմատիկայի, մարմնամարզության, քանդակի երկամսյա սեմինար-պարապմունքների: Սեմինար-պարապմունքների ծրագրերը հրապարակվել են դրանք վարող մասնագետ-ուսուցիչների բլոգներում: Բացի երկամսյա սեմինար-պարապմունքներից, դասվարները մասնակցել են կարճաժամկետ սեմինար-պարապմունքների: Առաջին բուժօգնության, մոնտաժային ծրագրերի ուսուցման սեմինար-պարապմունքների ընթացքում դասվարները ստանում են մասնագիտական խորհրդատվություն, տեղի է ունենում փորձի փոխանակում:
2023-2024 ուստարում դասվարների երկամսյա մասնագիտական զարգացման սեմինարների ցանկը.
Դասվարների մասնագիտական զարգացման սեմինարները կազմակերպվում են փուլերով: Յուրաքանչյուր փուլը տևում է երկու ամիս: Երկու ամսվա ընթացքում դասվարները մասնակցում են թվով 6 սեմինար-պարապմունքի: Տվյալ փուլի ավարտից հետո խմբերը փոխվում են: Ե՛վ դասվարները, և՛ մասնագետները ամփոփում են տվյալ փուլի արդյունքները, գնահատում են դրանց արդյունավետությունը:
Բացի սեմինար-պարապմունքներից կազմակերպվում են նաև ստուգատեսներ, արդյունքների հրապարակում, ցուցադրություններ: Ուսումնական երկրորդ և չորրորդ շրջաններում կազմակերպվել են դասվարների մարզական ստուգատեսներ:
Բացի մասնագիտական զարգացման սեմինարներից, դասվարները մասնակցում են «Իմացումի հրճվանք» կրթական ծրագրի շրջանակում կազմակերպվող քննարկումներին, ներգրավվում են ծրագրի բաղկացուցիչների, նախագծերի մշակման ու լրամշակման աշխատանքներում: Աշնանային, ձմեռային, գարնանային ուսումնական արձակուրդի շրջաններում դասվարների համար կազմակերպվում են մասնագիտական խորհրդատվության սեմինարներ, հանդիպումներ:
Ողջ ուսումնական տարվա կազմակերպվել են սեմինար-հանդիպումներ, մշակվել են հետևյալ փաթեթները, ուղեցույցները՝
Այս ուսումնական տարվա դասվարների մասնագիտական զարգացման սեմինարների մասին պատմում է կցված տեսաֆիլմը:
Մասնագիտական զարգացման սեմինարները շարունակական են: Իրականացվող գնահատումը, վերլուծությունները, խնդիրների արձանագրումը հնարավորություն կտան բարելավել դրանց արդյունավետությունը:
Մայիսյան հավաքին ընդառաջ «Իմացումի հրճվանք» կրթական ծրագրի մասնախմբի դասվարները հանդես կգան մարզական ստուգատեսով: Մարզական ստուգատես-պարապմունքը կանցկացվի Մայր դպրոցի մարմնամարզության սրահում, մարզիչը Արման Մատինյանն է:
Մարտի 25-ից «Մխիթար Սեբաստացի» կրթահամալիրում մեկնարկեց գարնանային մանկավարժական ճամբարը: Դասվարները մասնակցում են կավագործության և մոնտաժային ծրագրերի մասնագիտական ուսուցման սեմինար-պարապմունքների:
Մոնտաժային ծրագրերի ուսուցման շրջանակում դասվարները ծանոթացել են տարբեր մոնտաժայաին ծրագրերի, դրանք ներբեռնել են համակարգիչներում, սովորել են աշխատել, ամրապնդել են իրենց գիտելիքները:
«Իմացումի հրճվանք» կրթական ծրագրի մասնախումբը շարունակում է համակարգել դասվարների մասնագիտական զարգացման սեմինար-պարապմունքների երրորդ խմբի աշխատանքները: Դասվարները սեմինարներին մասնակցում են չորս խմբով։ Յուրաքանչյուր խմբի հետ մասնագետներն աշխատում են երկու ամիս։ Երկու ամսվա ընթացքում մասնակցում են 6 պարապմունքի: Այս փուլում միանում են նաև 5-6 տարեկանների դասվարները: Պարապմունքների սկիզբը 14:30-ն է: Շարունակել կարդալ “Դասվարների մասնագիտական զարգացման սեմինարներ. 3-րդ փուլ”→